更多
2020-09-22
1227 瀏覽
疫情下好耐冇試過出街食飯，更莫講話打邊爐，真係忍得好辛苦啊。近排嘅銅鑼灣少人咗好多，既然大家咁驚，就決定反其道而行，正所謂越少人嘅地方越安全，決定靜雞雞出動「去滾」！甫進餐廳就發現去滾嘅裝修設計精緻有格調，霓虹燈箱嘅本土風加上民初女性的懷舊壁畫佈置，加上精美餐具，以至餐牌嘅平面設計，都係咁一絲不苟，令人一見難忘。卡座位闊落舒適，雲石枱面夠大可放多樣菜式。二人餐可選牛肉或海鮮餐，牛肉餐嘅亮點係有充滿油花的薄切安格斯肥牛，冬蔭功湯底亦非常足料，有大堆海蝦，菇菌同蕃茄，辣得黎又帶點鮮甜，層次夠哂豐富。最重要當然係要睇吓能夠反映餐廳功力嘅食物質素如何，因為手打墨魚丸同鮮剁牛肉餃都十分考功夫，彈牙、爽口、鮮味，可以話冇得彈。聖子新鮮有光澤，夠大隻可以啖啖肉，好正呀！雜菌拼盤，有本菇、金菇同雞髀菇，碌一陣索哂啲湯底嘅冬蔭公味，惹味十足。最後充滿驚喜嘅竟然係，五穀雜糧糕賣晒，餐廳轉左最後甜品變成即炸煎堆！話明係即炸，真係熱辣辣脆卜卜，好醒神，下次黎食都必定要encore 呀😄
甫進餐廳就發現去滾嘅裝修設計精緻有格調，霓虹燈箱嘅本土風加上民初女性的懷舊壁畫佈置，加上精美餐具，以至餐牌嘅平面設計，都係咁一絲不苟，令人一見難忘。卡座位闊落舒適，雲石枱面夠大可放多樣菜式。
二人餐可選牛肉或海鮮餐，牛肉餐嘅亮點係有充滿油花的薄切安格斯肥牛，冬蔭功湯底亦非常足料，有大堆海蝦，菇菌同蕃茄，辣得黎又帶點鮮甜，層次夠哂豐富。
最重要當然係要睇吓能夠反映餐廳功力嘅食物質素如何，因為手打墨魚丸同鮮剁牛肉餃都十分考功夫，彈牙、爽口、鮮味，可以話冇得彈。
聖子新鮮有光澤，夠大隻可以啖啖肉，好正呀！雜菌拼盤，有本菇、金菇同雞髀菇，碌一陣索哂啲湯底嘅冬蔭公味，惹味十足。
最後充滿驚喜嘅竟然係，五穀雜糧糕賣晒，餐廳轉左最後甜品變成即炸煎堆！話明係即炸，真係熱辣辣脆卜卜，好醒神，下次黎食都必定要encore 呀😄
張貼
