日本野 (已結業)

日本野就食得多，但去日本野食日本野就第一次。行咗成日街好肚餓，叫咗好多野食，有壽司、刺身、串燒同小食。一坐低梗係叫返杯清爽嘅asahi生啤先啦！厚燒鰻魚玉子 - 味道冇其他餐廳咁甜，好食好多。玉子燒得唔係全熟，有蛋汁，好滑好嫩。炭燒牛舌 - 有點韌，但厚切，好有咬感。炭燒秋葵 - 健康之選，不過有啲澀。炭燒大啡菇 - 好鮮甜，燒得好軟熟。炭燒茄子 - 切好一塊塊，方便進食，又係好鮮甜。炭燒粟米 - 粟一燒，好香口。半板海膽 - 鮮甜，食得出好新鮮，超級驚豔。五品刺身 - 有三文魚、油甘魚、八爪魚、北寄貝及甜蝦，全部都厚切，又肥美。壽司 - 同刺身一樣新鮮，唔錯。