🍩Donut有十幾款口味，全部即叫即整，落單後等十分鐘左右，可用payme付款。
我試左三款口味👇🏻
⭐原味$25
一打開紙盒就聞到好香嘅油炸味，表面灑左糖霜，咬落去口感煙韌，有啲似麻糬波波同煎堆，唔會好甜亦唔油膩，啱啱炸好嘅真好好味，忍唔住一啖接一啖。
⭐玫瑰泰奶$35
表面係玫瑰奶醬+玫瑰花瓣，玫瑰花香味濃郁，奶醬好甜，食到最後會有啲膩，適合配茶或咖啡。
⭐開心果$38
開心果醬唔甜，加左開心果碎增加口感，可能因為我先食偏甜嘅玫瑰泰奶，再食開心果所以覺得味道好淡。
個人認為最好食係原味，新鮮出爐即刻食最正，另外兩款冇太大驚喜，價錢嘅話偏貴。
16
