酒虎詩龍

喺天后經過幾次見到都滿座, 試過訂位都訂唔到. 好朋友約今晚食飯, 即興訂到位, 6:30 booking要求8:15交枱, 星期一晚第一輪都滿座. 當時餐廳未有第二輪booking 但講明有walk-in 最遲要8:30交枱.. 朋友到達餐廳時九成滿, 以為真係好好食.

首先menu 食物選擇不多, 介紹的食物不是一般串燒, 種類不多, 串燒餐牌來說有啲失望. 點咗推介食物之一叉燒, 好普通,偏鹹,$298, 真心不值. 其他食物例如咖喱魷魚都沒有太大驚喜, 由於推介同最貴嘅叉燒唔好食, 令到整體經驗麻麻.

埋單$500 一位, 食串燒都係想坐得耐啲傾計,星期一晚未有booking 已要求兩小時交. 到8:00我開始留意有冇枱, 門口有冇人等, 不能盡興, 最後我哋8:30埋單.

如果好好食都無所謂, 但食完完全唔明點解會有咁多 good reviews, 好似好難book仲要限時. 食物質素完全同門口望到嘅滿座, Openrice 嘅 reviews 不相符~

店舖裝修同氣氛係好嘅, service 都ok. 但唔會再去啦, 因為冇一樣食物令我回味到再次光顧!

第一次喺 Google寫review, 因為落差太大啦 ~