Tom N Toms Coffee (已結業)

開會前先要吃飽😁。 今早又約了早餐會， 我成日好懷疑， 點樣一邊食野一邊開會呢， 食到一口都係野， 講野都講唔清啦！所以一般如果約早餐會，我都會自己先吃飽， 開會時就喝一杯咖啡， 最多就吃幾件水果。今朝約係尖沙咀某酒店， 我就在附近找了間咖啡店。因為我很愛佢地嘅Toast。唔知點解日韓國咖啡店啲Toast特別好食， 麵包特別鬆軟。調料又鹹又甜但唔知點解混著又出奇地好味。好似今次我點呢份火腿芝士toast。本身麵包已經塗了牛油同蜜糖烘烤， 中間夾有火腿跟半溶芝士。面頭吱了勁多酸酸甜甜的蛋黃醬。多士已經切好一cube cube方便食。因為toast係即叫即整， 所以新鮮熱辣， 入口鬆軟，味道複雜豐富。早上要醒神， 我先來一杯espresso。估唔到咖啡幾香， 入口都算順滑，甘得嚟唔苦。食飽飽，點知開會時間延後一小時，咁多時間我只好點多杯野再坐多陣。今round點左杯堅果冰咖啡，加多cream😁, 飲落好滿足，雖然多cream, 但咖啡味唔會被蓋過。