古今

營業中

休息中

幾時後可以喺大西北開返間？如果佢開喺大西北，我一星期要食一次，我會將去列為長期飯堂日本野之中，我鍾意食卷物多個壽司同刺身。卷物係次次去親都一定要叫，係因為佢卷物係即叫即做。而金龍卷都係我嘅首選，因為成日喺連鎖店食嘅都係啲飯凍冰冰，個蝦淋到💩咁。芝士魚餅 $53好香嘅芝士，個份量啱啱好，又唔會蓋過魚餅味道👍網燒牛舌心 $68我覺得牛舌最重要嘅係口感，而呢間做到我要嘅效果，同埋佢配有嘅麻油，點左反而中和咗佢本身牛舌嘅鹹，同埋冇諗過佢同麻油會夾到雜錦天婦羅 $61出色嘅天婦羅一定係外脆內軟，而且表皮唔會出晒油，最重要嘅係要有碎。呢間食得出即叫即做，上到嚟就算過咗一陣都係熱辣辣，最緊要炸物本身用油去炸會顯得好油，但食落唔會成口油，好食到我連碟上面嘅脆脆都食埋。蟹膏帶子炒飯 $176平時出面食嘅炒飯炒完之後會有啲乾，除咗口乾之外仲會哽胃。開頭見到個底好油，以為佢用咗好多油去炒，但到食落去除咗啲飯唔會乾，仲會食到煙煙銀銀，唔哽位之餘仲唔覺得佢油，我哋見到嘅油應該係蟹膏炒完之後本身蟹膏嘅油。帶子份量都多，而且細細粒，帶子同飯一齊食唔會話好似食緊兩樣嘢咁。