皇后燒烤 - 盛宴BBQ (已結業)

在鬧市中都可以約朋友BBQ， 位於油麻地京士柏衛理道， 昨晚我們揸車去，地點方便。 星期五大約八點到達， 燒到九點半就要走了，因為要趕住去睇戲。 晚上大約$295 一個， 唔知係咪有加一或者開爐費？ 因為我見到星期五至日價錢應該是$268， 平日價錢是$228。食物方面有豬頸肉， 金沙骨， 雞扒，一口牛，煙肉，脆皮腸，芝士腸 ，生蠔，青口，扇貝，蝦，雞翼，番薯，栗子，茄子，菇類和不同種類的丸。 但當晚沒有羊架，有點失望。雞扒醃得好入味， 燒起來嫩口好味， 一口牛味道都唔錯， 大蝦新鮮好味。 飲品有很多選擇， 汽水，啤酒， 還有紅酒和白酒，好齊全，最後記得留肚食雪糕啊！燒烤其實好多工序， 如果沒有時間準備食物和燒烤用品， 到這些任飲任食的燒烤場都幾方便。