滷友記 (加路連山道) (已結業)

朋友介意呢間滷水面，好好食，湯底好正。所以今日過去試一下。11:30到，完全唔洗等，入到去只有一台客。叫左個3餸麵（$52），可以簡自己中意食既餸。簡左牛肚 豬大腸 同陳皮魚蛋。3個餸麵好入味，而且餸份量好多。3個餸入面中意陳皮魚蛋，可能出面比較少食到，加埋佢秘製麻辣油食，覺得好正！另外試左友人個蘿蔔都好正，好甜，無渣好入味!面都好彈牙，吸湯，但又唔會淋，加埋個湯有味之餘又唔會太喊。最後要介紹既，係即炸魚皮，熱辣辣，真係即炸。魚皮無粉，而且好脆，食到停唔到口。$23份量仲好多，勁抵食總結黎講，中意呢間多過燈籠滷味。呢間雖然餸可能無個度咁多選擇，但所有野都精緻好味d，同埋味道唔會好似燈籠滷味咁鹹，湯底正好多。所以我之後都會繼續幫襯呢間！