湘餑餑肉湯泡飯 (已結業)

今日喺灣仔整完嘢，就喺附近食埋飯先返屋企。見華星隔離有間湖南菜館「湘餑餑肉湯泡飯 」，咁啱我今日又想食辣（其實冇乜邊日唔想食辣😂），就入去坐低咗喇。梅州鹽焗雞（$128）：呢個有驚喜。佢嘅雞皮非常薄，完全唔覺得油膩。鹽焗雞味道夠。紫蘇火爆牛蛙（$148）：呢度至少有兩隻牛蛙，而且牛蛙算大隻，夠大隻嘅牛蛙先可以煮到咁嫩滑嘅肉質。佢係用個爐上，可以慢慢食都唔怕啲嘢食會凍。季節時蔬（$58）：我哋揀咗菜心。菜心嫩滑爽脆。鮮炒黃牛肉套餐（$78）：套餐包括白飯（免費續飯），前菜和飲料一杯（薏米水/青檸汁/酸梅汁）。黃牛肉肉加埋味菜，芹菜同埋辣椒一齊炒，味道同口感層次都豐富。和牛肉鮮嫩。所有嘢都係即叫即做，熱辣辣上枱，未食都已經覺得好吸引。