中午時份既Weekend 兩個人呆呆滯滯行行走走 , 由香港大學站走到西環警署附近 , 又開始肚餓要搵食 ~ 結果附近就係之前網紅大熱既 -魔鬼雞翼餐廳- 【café 2】 , 幾個月前挑戰”魔鬼雞翼”失敗既我再次嚟到café 2 睇下佢地有咩新搞作!上次挑完”辣” ,今次就嚟挑我最愛既”邪惡堡堡” , 卡路里指數超高既套餐 , 開頭睇個名”邪惡堡堡” 感覺好cute , 原來係 ~burger+double chocolate~
以為普通料,個餐一嚟到點知原來呢個burger一啲都唔簡單 , 個burger 並唔係用麵包, 而係用通心粉混入3種芝士再用麵包糠鋪面再炸,外型做到同麵包一樣 , 入口就外脆內軟,芝士超濃郁,而且仲可以拉到絲 , 而中間餡料有左生菜同芝士再加埋個超多肉汁,牛肉味夠重既漢堡排 , 愛芝士既我對呢個burger 真係愛不惜手 。
杯double chocolate 沙冰 , 有粒粒朱古力碎, 朱古力雪糕 , 飲落有咬口 , 朱古力味超濃 , 甜味可以接受 。
成個餐整體上一個人係食唔晒, 因為真係幾膩!果然係一個好邪惡既套餐!
The above review is the personal opinion of a user which does not represent OpenRice's point of view.
