半路咖啡 (已結業)

同朋友一齊係上環探索同影相，行攰左，就亂打亂撞入左呢間cafe。Cafe位於斜路嘅中間，可以俾你係路途中段停低飲杯咖啡，休息一下，名副其實係半路咖啡。☕️我叫左杯Latte，咖啡同奶嘅比例岩岩好，咖啡豆非常香，拉花都好靚。紙杯設計非常特別，用左懷舊萬壽無疆花紋，同Cafe嘅環境非常match，充滿住老香港嘅感覺，好似時光倒流到80年代咁。咖啡店的正對面是一間細細嘅古董玩具店，鐵皮攤檔入面擺唒一D舊玩具，相映成趣。係呢到可以休閒咁同朋友談天說地; 或者望住窗外面放空; 或者拎本書係到睇。半路咖啡提供左一個可以係繁忙嘅鬧市入面放慢腳步嘅角落。最近知道佢地係深水埗都開左分店，有機會都想去打下卡，Relax下。