更多
2020-09-07
482 瀏覽
呢間餐廳環境大,坐得舒服,仲坐到卡位。午市有半自助午餐,出面有任食沙律吧。由於疫情關係,所以要佩戴口罩出去拎食物。沙律吧有餐湯甜品蒜蓉包、雪糕甜品及水果等。仲任飲紅白餐酒 。雪糕都有好多唔同味道;甜品亦好多款式,有芝士蛋糕、奶凍、啫喱等等。鍾意佢啲水果夠新鮮,食咗哈蜜瓜及西瓜。主食揀咗德國豬手配黑椒汁$118,豬手大大件個皮好脆,好好食。仲要配薯條,薯條好脆。呢個價錢真係好抵,如果平時喺其他餐廳食,豬手一定要$300左右。另外叫左澳洲肉眼配燒蒜汁$148,牛扒揀咗五成,肉質唔錯,蒜蓉汁味道幾夾。午市做緊9折!
張貼