唔講唔知原來係荃灣開左咁高質嘅潮式點心，網上訂座仲有點心半價優惠，真係超抵！
今次同朋友仔去試咗幾款招牌點心，每樣都令人讚不絕口，十幾蚊一款咋！
金魚嬉水湯蝦餃
造型可愛到爆！金魚游水嘅設計真係好有心思，成件藝術品咁啱哂打卡，蝦餃皮薄餡靚，一啖一個滿足感爆燈
女兒紅醉蝦
酒香濃郁，蝦肉爽彈，仲好多蝦膏
鮮荔枝球
外型真係似足荔枝，入面竟然係芝士蝦球，創意滿分
鐵板麻辣小籠包
麻辣味恰到好處，湯汁豐富，咬落去個汁爆出嚟嘅感覺太正喇
酸菜焗花甲王
酸菜嘅酸爽配上大大粒鮮甜花甲，開胃一流
百花紫菜酥
用左墨魚滑加紫菜同粟米，口感豐富有層次，好香口
鳳梨雀仔
雀仔造型嘅鳳梨酥，仲放左係鳥籠入面，夠哂儀式感，甜度適中
呢度環境舒適，價錢合理
趁點心仲有半價優惠，快啲去試下啦
