鮨瀧 (已結業)

今日午餐想食好啲，天氣又咁熱，所以中午就去咗尖沙咀食日本菜。朋友推介依間餐廳話中午有Omakase，食材新鮮又唔太貴可以一試。朋友一早預訂左吧枱，可以望住壽司師傅處理食材，壽司又可以看我們食嘅速度一件件上。我們兩人都點左12件壽司嘅午餐，連前菜蒸蛋和甜品。12件壽司用料新鮮，但款式唔算特別，但以餐廳環境，服務質素和有廚師發板來說午餐並唔貴。其中最期待嘅拖羅，雖然充滿油脂香又無筋，但我不太明白為何拖羅要切成三薄片，冇咗厚切嘅口感，有啲失色。可能我不理解師傅的用意🤔整體感覺唔錯，環境舒服，但同價位有不少選擇。