Friday Cafe & Wine Bar

其實上環好多野食，每次經過喱間都唔記得左佢，今次終於都入到去試下啦。環境都幾好，可以同朋友傾下計，午餐時間見到都滿座。

我叫咗一份 香蒜雞肉炒意粉，一上枱就聞到陣陣蒜香味，真係幾開胃。雞肉煎得香口，唔會太乾，份量都算足。意粉炒得剛剛好，唔會過腍，texture好好。

不過對於減緊肥既我黎講，落油方面就有啲太多，食到中段意粉少左就開始見到個底好油，如果可以控制返油份會更加perfect。不過味道整體嚟講香口惹味，蒜香控應該會幾鍾意。