鐵板燒雪舟

營業中

休息中

琴日同老婆去咗銅鑼灣食鐵板燒慶祝紀念日，見到好多人推介呢間鐵板燒就試下。揀咗午市套餐，$328一位，先上沙律同茶碗蒸，味道唔錯。主食係大蝦、帶子、南非鮑魚同銀鱈魚四選一，我就揀咗銀鱈魚。銀鱈魚魚皮煎得好香脆，銀鱈魚魚肉好嫩滑，油脂豐富，好好食。 和牛可以厚燒或者薄燒，厚燒嘅方式係蒜香牛仔粒，牛柳入口香口，厚燒燒到少少焦香，上面有好多蒜粒，好惹味。食完肉類就食返清淡啲嘅野，炒野菜好爽脆，加上菇片一齊炒層次幾豐富。之後仲有凍烏冬，好大碗，烏冬彈牙，幾好食。