富臨皇宮 (已結業)

附近茶樓越開越多，好久沒來富臨了，今日落街同阿媽加BB飲餐茶，咁就揀間環境較濶落嘅方便啲嘛。星期日午市沒有特價點心，但其他野都唔貴，元朗區飲茶比市區真係平啲。鮑汁鳳爪 $22鹵得好入味，鳳爪厚肉唔硬，真係幾好味，好似今多年都無加價，雖然份量比剛開業時少左，但仲好抵食。菠蘿生炒骨 $38個味調得好好，沒過酸或過甜，一口一粒方便食，半肉半骨有口感，呢個價錢嚟計好大碟。溫公齋燜粗面 $58好香南乳味，有雪耳，雲耳，豆卜，冬菇，白菜仔等，足料好味，唯鹼水味重啲，食一碗就好膩。無侍應沖水，呢個問題次次都係咁。