旺角海鮮菜館

營業中

休息中

其實我個人平時少食海鮮既～不過朋友邀請話呢間好食就去食下～首先係招牌六小福入面既其中兩小福～睇相都會見到鮮魷魚同海哲頭係大大條大大粒😍食落好爽口，調味上加上少少鹹味同麻油～香得黎又唔會蓋過啲鮮味👍🏻👍🏻呢道煮蜆一睇就知正🤤大大隻蜆肉，清潔得亦好好食落去完全無沙🤘🏻🤘🏻黑胡椒波龍係另一大亮點😼唔好睇佢黑蚊蚊咁，就係啲黑胡椒先令成道菜變得惹味～而且裏面啖啖肉又入晒味😋😋不得不提真係蟶子王，有名你叫係王就當然唔洗細細條，一夾起都差不多有成兩隻手指咁粗😍😍😍連我少食海鮮既都覺得好好好正😻😻😻呢窩炒飯看似平平無奇，但其實非常足料👍🏻👍🏻有大大粒鮮蝦，瑤柱，仲有帶子！加上炒得好乾身，非常吸引