松記粥品

營業中

休息中

好耐無黎松記食粥，唔經唔覺松記都開左十年，周圍好多舖頭都換左。是晚想食下粥就諗起松記，入去揀過最涼冷氣嘅位坐低先。⭐牛脷酥 & ⭐油炸鬼油器已加到$13件，不過佢係自家製唔係交貨嚟ok啦，手脷酥同油炸鬼都好新鮮香脆，無油益味。⭐鹹肉粽軟綿綿，入面有肥豬肉、鹹蛋黃、綠豆蓉等，加埋個甜豉油都幾好食。⭐碎牛豬紅粥料唔算多，但味道唔錯。⭐生菜肉丸粥肉丸爽口，一碗有五粒，生菜就只有寥寥數條😂蔥花都多過生菜。⭐魚腩豬潤粥魚腩三件豬潤數片，滿滿一大碗👍即叫即滾熱辣辣，食完無口渴，粥底真係無加師傅㗎。