更多
2019-06-02
500 瀏覽
下午2點幾去食，客唔算多。係門口呆企左3, 4分鐘都冇人理（對住門口既甜品飲品吧侍應見到係我地），我地見唔對路，入面大把位，就自己行入去叫待應帶位啦。點知待應見我地行入黎就截住，問幾位，然後叫返我地出門口等，5分鐘後先黎帶位，唔係冇枱，又唔係未執枱，點解要客企10分鐘？想食西餐，選擇又唔多，算！待應安排左係商場走廊既坐位，多人行過個人唔太鐘意，要求轉餐廳入面既空位（仲有好多位），但佢話冇得轉。放低水，又等左5分鐘先拎menu過黎。 叫左個lunch set, 一個蟹王意粉，意粉過百，唔平，但味道值得一讚！兩人加埋食個lunch近2百蚊，食物質素係唔錯既，但呢個價錢換黎咁既服務質素，我覺得唔太值。
張貼