漁舍酸菜魚 (已結業)

北角區近年多左好多新住宅項目同商場，仲要有我成日好中意行既一田超市，唔洗成日去到西營盤咁遠又無得泊車，北角匯一樓有唔少餐廳，行到最入隱藏左呢間人氣川菜，價錢非常親民，我地叫左一個胡椒豬肚雞鍋、兩個鍋同兩款甜品，食到捧住個大肚腩走🤰🏿胡椒豬肚雞鍋: 胡椒豬肚雞鍋份量都幾多，湯底好足料有胡椒既香味，好欣賞豬肚整得好好食，爽口彈牙，雞肉都幾嫩滑😚😚乾鍋肥腸: 炸過既豬大腸好香口，加埋辣椒特別惹味🔥乾鍋田雞: 肉質鮮嫩爽口一啲都唔嚡👍🏻👏🏻紅糖糍粑: 甜度適中，煙煙韌韌紅豆涼粉: 紅豆有咬口，消暑佳品!