潤記粥麵茶餐廳 (已結業)

細細個嗰陣響北角長大，果陣潤記重響北角邨舊鋪，響大約舊中旅社對面;一入門口好似係左邊滾粥，右邊麵檔，果陣返幼稚園，公公星期五六放工就會接我放學或同我出去玩，到夜晚唔去中巴炒粉檔就會去潤記食宵夜，重好記得當年嘅味道。然後早幾年行過，原來潤記開返，入到去見到好似有一兩個老伙記，食味都同當年好相似，可惜連潤記都要光榮結業，都好難再有機會可以回憶到童年同公公一齊食宵夜嘅味道啦😢都好感謝潤記比我回憶起當年嘅味道，祝願各位伙記生活愉快！