金樂軒雞煲魚鍋

營業中

休息中

今日同阿媽去北角食飯，我地住觀塘嘅，所以搭地鐵都係幾個站，幾近。真係自從返工之後就好少同阿媽單獨撐枱腳啦，成日都出去食……有時真係忽略咗佢，今日就趁假日帶阿媽出去食下飯行下街，增進我地母女嘅感情。北角其實都唔大，我地行到見有少少攰，就入咗呢間小店休息兼食個lunch。我地簡單叫咗幾個餸，因為阿媽嗜辣，呢度就主打川菜，啱晒阿媽口味啦！砵仔花雕煮蟹：蟹係肉蟹嚟嘅，大大隻，肉多鮮美！有蟹嘅鮮甜又有酒嘅香氣。尖椒炒牛頸脊：牛肉炒到好嫩，沾上了尖椒嘅香辣，惹味。乾鍋田雞：好耐無食過田雞啦，田雞外脆內軟，肉質嫩滑。