<二人暖笠笠套餐> $178
爆炒京蔥黑椒牛舌飯
一開始見到牛舌飯入面有指天椒以為會好辣！點知食落又唔算好辣～店員特別提醒牛舌飯要攪拌均勻先好味。牛舌薄片爽身，攪勻後醬汁均勻包裹珍珠米，有種日式家庭料理的感覺。
至尊大大碗麻辣湯米線
米線好多，大胃王必點一定食飽!!!配料有炸豬扒、鹵水雞翼、金菇、鵪鶉蛋&貢丸，麻辣湯底比牛舌飯辣，配料中最鍾意炸豬扒，軟淋易咬。
香噴噴奶黃金沙脆雞翼/3pcs
雞翼外皮炸得脆卜卜，鹹蛋黃醬仍保留沙沙質感!!!值得推介。
胡麻爽甜秋葵
牽絲秋葵加上鹹香胡麻醬喺最好配搭keke
桂花烏龍茶
見到呢個喺新品所以叫嚟試下，茶底回甘，隱約帶有桂花清香，正好解膩。
鮮檸檬特飲
酸酸甜甜夠開胃！
<一齊黎一串> $22
另外我地仲額外點了魚腐，聽講喺招牌菜式，以傳統古法自家製成。魚腐丸有三種口味，分別為冬陰功、櫻花蝦、甜粟米，用鯪魚肉製成，肉質結實，當中最鍾意櫻花蝦口味，鮮味十足，仲加咗海苔粉，睇落有啲似日式章魚燒！
