燒鳥時間🍢選材本地三黃雞同日本地雞，招牌三黃雞腿肉，外面香脆，內裡爆汁，雞味超濃🥹可以完美體驗熟成雞肉既風味👍🏻三黃雞腿跟腱，口感特別，日本地雞蠔肉，好嫩好爆汁，正🫶🏻日本雞膝軟骨，夠脆夠惹味，日本雞胸軟骨，大塊軟骨配啲嫩肉，好味😋青葵蟹籽醬三黃雞肉串，比一般雞串嫩滑入味👍🏻日本雞頸肉，我既最愛部位，有咬口嫩滑濃雞味，必食😍特濃花膠雞白湯烏冬，食日本雞串燒店必點項目，雞既精華入晒去，又濃又好味，仲充滿膠質黏口🤤配埋小左衛門純米吟釀，燒鳥專配既清酒，入口微甘帶辛口，搭串燒咁濃味啱晒！🌟
仲有好多特色手工串燒同和食🇯🇵18小時慢煮黑安格斯封門柳，牛味最濃郁既部位，加埋熟成，極濃牛味加勁嫩肉質衝擊🤯生燒熟成合鴨胸，主廚用魚料「一夜干」既概念，用鹽水、昆布、清酒浸泡再風乾熟成，鴨味好濃郁，肉質超鬆軟🩵日本產鰻白燒，夠鮮又厚肉，日式唐揚豆腐，濃豆味既手工豆腐，配蘿蔔蓉吸埋木魚湯，高質！🥳荔枝豚肉卷，帶焦香加埋清甜荔枝肉係入面，特別既👍🏻
滿滿嘅風味同滿滿既心機係燒鳥入面💕仲要係做緊最平$18串，就食到正宗日式燒鳥既風味，小癲🥹想食Yakitori既首推依間！🤞🏻
