智多星 (已結業)

放工後和朋友在屋企附近搵食。見到呢間智多星，朋友話呢間快餐店歷史悠久，佢阿哥中學時期都喺到食飯。入到去坐低，餐廳格局同一般快餐店無異。而落單都係自己出去收銀處買飛，再交去廚房，然後乖乖坐喺自己位等食。我就叫咗一份雙焗飯，53蚊包熱飲，凍飲加兩蚊。雙焗既餸分別係菠蘿腸仔同葡國雞。未叫餸前我仲喺到諗，如果叫一個肉醬一個葡國雞，佢會點撈埋上菜呢？好彩佢係一個兩碗狀既鐵碟，分開放兩個餸。但食物味道就真係幾一般，葡國雞汁超咸，菠蘿腸仔就正常味。凍檸茶略嚴少少無味。不過舊式快餐店，各員工著一式一樣既紅白藍格仔恤衫，食客又會同你有講有笑，算係舊區既一種味道。