The Stadium (已結業)

集中娛樂與美食的餐廳，地方必定要好大，先至可以滿足晒兩個願望。無錯，今晚收工過嚟的餐廳就係屬於動靜皆宜嘅。晚上7點，已經坐滿食客，有的在飲啤酒，有啲在睇球賽，有啲在傾計食嘢，有啲喺度慶祝生日，有啲喺度玩足球機，有啲掟標⋯⋯先飲杯水解渴，再慢慢研究下食咩先。白汁煙肉闊條麵$128闊條麵拌勻白汁，配料都幾豐富，在這樣的環境下進食感覺特別過癮。火辣水牛雞翼$88看見佢有餐廳推介logo，於是試吓，可能期望太高，感覺雞翼的肉質比較過熟。雖然話火辣，但係其實都唔算好辣，比較容易入口。　芝士薯條$68薯條炸到金黃色，芝士主要係鋪係薯條面上，好似幾特別。食飽飽之後，可以玩下啲室內嘅小遊戲，或者出去室外有個大露台，好啱呢個時候嘅天氣，涼涼地吹一吹風，令人好舒服，什麼工作壓力都無曬。而且也好啱情侶談情喎。