更多
2019-05-01
1378 瀏覽
之前都聽朋友講過哩間嘢態度差，今晚終於幫親，唔係差，係極差！ 首先，食物質素中下水平，芝麻糊水汪汪，糖不甩一般般。對大排檔嘅環境同服務已經冇太大期望，本以為食物質素會有驚喜，但係冇。 最重要係，服務態度極差，又唔係多人等翻枱，凳都未坐低就係咁吹你叫嘢食。 碗糖水嚟到成個碗外面又倒瀉唒。 另外食食吓仲有個小插曲： 話說有個國內女仔唸著堂食，因爲同老闆有小小語言不通，俾老闆指咗去令一邊買外賣， 然後無奈地接上一碗已包好嘅糖水。 正當嗰位女仔想同老闆講唔好意思其實佢係想堂食，攞著碗湯水坐低打開食咗兩啖時，老闆娘突然衝出黎，指著個女仔係咁潑婦罵街咁話佢係外賣做咩坐係度食，跟著係咁粗聲粗氣鬧咗人地成分鐘，最後仲要叫人同佢即刻起身走。相信在座所有客人都聽到O哂嘴... 姑勿論誰對誰錯，就算話大排檔唔好期望有好嘅服務，老闆娘咁嘅做人處事態度真係好有問題，同埋好冇禮貌。 你話你啲嘢好食，你要寸，Fine. 你寸得起。但係唔好意思，你啲嘢食真係唔好食🙄
首先，食物質素中下水平，芝麻糊水汪汪，糖不甩一般般。對大排檔嘅環境同服務已經冇太大期望，本以為食物質素會有驚喜，但係冇。
最重要係，服務態度極差，又唔係多人等翻枱，凳都未坐低就係咁吹你叫嘢食。 碗糖水嚟到成個碗外面又倒瀉唒。
另外食食吓仲有個小插曲：
話說有個國內女仔唸著堂食，因爲同老闆有小小語言不通，俾老闆指咗去令一邊買外賣， 然後無奈地接上一碗已包好嘅糖水。
正當嗰位女仔想同老闆講唔好意思其實佢係想堂食，攞著碗湯水坐低打開食咗兩啖時，老闆娘突然衝出黎，指著個女仔係咁潑婦罵街咁話佢係外賣做咩坐係度食，跟著係咁粗聲粗氣鬧咗人地成分鐘，最後仲要叫人同佢即刻起身走。相信在座所有客人都聽到O哂嘴...
姑勿論誰對誰錯，就算話大排檔唔好期望有好嘅服務，老闆娘咁嘅做人處事態度真係好有問題，同埋好冇禮貌。
你話你啲嘢好食，你要寸，Fine. 你寸得起。但係唔好意思，你啲嘢食真係唔好食🙄
糖不甩
$14
66 瀏覽
1 讚好
0 留言
張貼
