大家當時都唔係好肚餓，淨係叫咗個泡菜湯（約$128）同石頭窩飯(約$120)！
個泡菜湯係我係香港食過最好食嘅泡菜湯，裏面好多料，唔會好似出邊啲餐廳整到佢淨係得個咸，夠味之餘又帶啲酸辣，非常開胃。
最後我忍唔住叫咗兩碗白飯，食晒！
至於個石頭鍋飯，朋友都話好好食，不過都唔夠個泡菜湯咁impressive！
間店本身有啲細，當晚幫襯嘅都係外國人為主
建議晚市食嘅話最好訂枱
至於定價方面，開得係SOHO嘅餐廳一般都會比出面貴
呢間野嘅定價貴過九龍區嘅韓國餐廳至少30%
但呢度既chefs都係正宗韓國人，而且食物都唔係hea煮
個人寧願俾貴少少食得好啲，好過食出面嗰啲頹野。
總括黎講，絕對值得一試！
