港滋味 (已結業)

港滋味 (筲箕灣)筲箕灣筲箕灣東大街37號地下菠蘿咕嚕肉咕嚕肉嘅口感非常之好，肉質鬆軟，一啲都唔鞋口，再加上外層嘅脆皮炸粉，真係鬆脆可口。至於個咕嚕汁，酸甜度適中而且份量亦都啱啱好。有時就算啲汁好好味，多咗都唔係好事，因為濕度太高，就會減弱左咕嚕肉嘅鬆脆程度。舖頭將個汁同肉嘅比例分配得好好！配合買幾嚿新鮮嘅菠蘿真係覺得好有誠意，好好食！酸菜龍躉斑片個湯底好香，夠酸，同埋夠麻。酸菜嘅份量真係比得好足，多到食唔晒～龍躉嘅份量好多而且食落好有鮮味。魚骨好少，嫌吐魚骨麻煩嘅朋友都不妨一試。自家製海菜豆腐哩味菜真係成世人第一次食。無論係個配搭，擺盤，味道都系獨一無二~食落感覺非常之健康。個「豆腐」其實比較似玉子豆腐，但係個質感更加結實，食落去味道更加濃郁。再配上雞蛋同埋幾款鮮菇，真係一味又豐富又特別嘅菜式。梅菜扣肉茄子扇哩味菜真係考廚師手工！茄子要切成扇形，扣肉亦都要切成薄片。廚師都處理得好好。食材方面，扣肉肥瘦均勻，口感軟熟，外皮有微燶效果，做得非常出色。梅菜唔會好鹹，所以個份量多都唔怕，可以撈埋茄子同扣肉一齊食。 呢味餸送飯一流！油飯好有驚喜！絕對值得一試！我唔係好識形容個味。只可以話唔係我