影片
更多
2012-01-10
25 瀏覽
今日同朋友去試新嘢，一間開業一星期嘅自助餐食肆。之前已經喺飲食雜誌見佢賣廣告，標榜勁多款式環球自助餐，最吸引我嘅係龍蝦五味。我哋兩日前訂位，價錢係$388+10%，原價係$398+10%，二人同行或以上嘅優惠就係平$10咁大把！好在恆生咭有九五折！8:00pm入到場，個場好大，環境ok，但桌椅款式唔見大睇，侍應態度殷勤，值得一讚！食物款式好多選擇，真係勁多海鮮選擇，仲比你自己選擇用乜烹調方法，貴價海鮮如鮑魚龍蝦真係源源不絕供應，正！唯一不足嘅地方係無濕紙巾或濕毛巾供應，食完海鮮成手係汁好唔方便！P.S. 因為新開張，連酒牌都未攞到，所以無酒精類飲品供應，只有汽水果汁或咖啡奶茶。
題外話/補充資料：
本來當日我哋訂咗三位，但其中一位臨時有事嚟唔到，入座前已經同門口嘅侍應講咗，入座時入面嘅侍應亦都幫我哋將張四人枱一分為二，變成二人枱，但叫埋單後見嗰兩個侍應喺電腦前不停對我哋眼望望，然後過嚟問我哋係咪兩位，我哋答完係之後，佢又返去電腦前又同其他同事再成日反轉頭望住我哋張枱喺度指指點點，攪到我哋好唔自然，佢哋應該覺得我哋係訂三人，但埋單又得兩人，好似我哋偷運咗一個人走無比錢咁，其實佢唔信大可以睇番佢哋周圍擺放嘅CCTV囉，咁樣對客我覺得好唔尊重囉！
(以上食評乃用戶個人意見 , 並不代表OpenRice之觀點。)
張貼
