Mr. Steak Buffet à la minute

營業中

休息中

頭盤食左煙三文魚同一些開胃，都幾精緻外，煙三文魚鹹香十足。長腳蟹同龍蝦都唔錯，長腳蟹好鮮甜帶有少少海水味。蟹殼容易剪開，蟹肉好易成條拎出黎。龍蝦肉都好結實，肉質都爽彈都唔錯。今次魚生既主題係長崎拿魚 估唔到咁好彩分到有大拖羅比我，帶子好鮮甜直得再去食多幾次。美國生蠔每次可以拎2隻。都算幾大隻，食落好新鮮無醒味外，肉質較為爽口。芝士區同自助紅白酒區都幾吸引。佐賀牛鐵板旁邊即切即燒，入口油花勁香。而燒牛肉好淋好嫩滑，仲有好多配菜可以選擇，旁邊有火槍薄燒佐賀牛壽司都勁香口。甜品蛋糕雪糕款式勁多，好豐富同吸引。試有幾款唔同蛋糕都唔會太甜，但真係太多試唔晒所有款式。