標榜「0添加」 、「無味精」 、「無激素」嘅手撕雞專門店，一於買隻雞上去加餸啦！
.
➜蟲草花水晶雞
店員推薦嘅蟲草花水晶雞原來係秋冬限定！
外賣包裝有一層厚厚嘅錫紙包住，拎到返去都仲係熱熱地，而啲雞汁都可以好好咁保留晒喺裡面，
仲有埋手套，方便大家「手撕」嚟食！蟲草花水晶雞夠嫩夠多汁，仲有蟲草花同杞子，非常滿足。
.
➜五香花生手撕雞
無論懷舊、惹味、傳統定古法，都有幾款調理，嗌咗款大人小朋友都啱食嘅五香花生手撕雞，
酥脆嘅五香花生好香口，仲係即叫即撕，咬落皮爽肉滑，就咁簡單配碗麵都已經好滿足。
.
