影片
更多
2007-02-19
33 瀏覽
父母時常到這裡食午餐，所以團年飯亦訂了在這裡食。團年六位套餐，約千六蚊，加千死蚊有火瞳大燉翅，本來套餐只係燉冬菇湯，咁老豆好鐘意食翅的，梗係加啦。火瞳大燉翅，d翅比想像中幼，比鳳城的雞燉翅渣，更加唔可以同魚翅城比!梳翅細都算，但係清理得唔係咁好，仲有鯊魚骨係裡面!!個火瞳，即肘子，普通，又不鹹又不香。每人都有兩碗湯，到我的第二碗，竟然有d肥糕係面，奇怪!當晚我地八點入坐，有四台都係大台，可能因為咁，所以d送都出得慢，續碟上。魚肉煎讓四季豆，幾香口的一味送。幾得意，未食過咁配搭的。玫瑰煙薰雞，細佬以為係鴨，幾好味，今夜隻雞係細雞，反而合我家的口味，皮香肉滑，好味。西芹炒斑球，斑球都唔錯，新鮮，但係細塊，即係條魚略細。不過都好鮮味。羅漢齋，呢個好好味，材料有好多唔同的耳，例如瑜耳，雲耳，黃耳，加上生根，粉絲髮菜碎等，媽媽勁讚!蝦膠讓冬菇，d冬菇都唔錯，又口感，個火腿溶汁都唔錯。雲腿扒津白，呢碟最離譜，d菜切到一吋乘一吋咁細，成碟得少少。好唔得!蟹肉伊麵，d蟹肉得一絲絲，好少，真救命，d蟹好貴？呢個好淡。伊麵過淋!家鄉湯圓，原來係鹹的，係魚肉(好似街邊魚肉湯!)加(米需)米圓子，好奇怪。個人
團年六位套餐，約千六蚊，加千死蚊有火瞳大燉翅，本來套餐只係燉冬菇湯，咁老豆好鐘意食翅的，梗係加啦。
火瞳大燉翅，d翅比想像中幼，比鳳城的雞燉翅渣，更加唔可以同魚翅城比!梳翅細都算，但係清理得唔係咁好，仲有鯊魚骨係裡面!!個火瞳，即肘子，普通，又不鹹又不香。每人都有兩碗湯，到我的第二碗，竟然有d肥糕係面，奇怪!
當晚我地八點入坐，有四台都係大台，可能因為咁，所以d送都出得慢，續碟上。
魚肉煎讓四季豆，幾香口的一味送。幾得意，未食過咁配搭的。
玫瑰煙薰雞，細佬以為係鴨，幾好味，今夜隻雞係細雞，反而合我家的口味，皮香肉滑，好味。
西芹炒斑球，斑球都唔錯，新鮮，但係細塊，即係條魚略細。不過都好鮮味。
羅漢齋，呢個好好味，材料有好多唔同的耳，例如瑜耳，雲耳，黃耳，加上生根，粉絲髮菜碎等，媽媽勁讚!
蝦膠讓冬菇，d冬菇都唔錯，又口感，個火腿溶汁都唔錯。
雲腿扒津白，呢碟最離譜，d菜切到一吋乘一吋咁細，成碟得少少。好唔得!
蟹肉伊麵，d蟹肉得一絲絲，好少，真救命，d蟹好貴？呢個好淡。伊麵過淋!
家鄉湯圓，原來係鹹的，係魚肉(好似街邊魚肉湯!)加(米需)米圓子，好奇怪。個人就唔欣賞!
甜品，合桃露，唔掂，又唔熱又唔凍。唔得!
老實說，以三千多元，七位用的晚餐來說，呢度非常掠水，又無d乜貴價菜，團年鮑魚都無片，食得最多係綾魚肉!？個翅要自己加了千多元，但d翅都係咁質素，真係唔掂!就算係千多元的套餐，個蟹肉'絲'伊面，都十分失禮!
最離譜係Service, 有個染到成頭紅色的女侍應，幾無禮貌。我地帶了支紅酒去飲，竟然話要收$100開瓶，有無攪錯!三千多元消費，竟然都話收，傻的!
呢度食下家常便飯就可以。千其唔好食貴野!唔係新正頭，一定比喊面。
張貼