9
2
0
等級6
2019-02-01 1330 瀏覽
家中爐頭爆咗,四口子原本喺屋企食嗰幾晚都要臨時出街搵飯食。心諗大多中菜廳都忙於應付團年飯局,週五晚XO仔就揀咗去試一家網上口碑不俗嘅「Nikushou」,貪佢近公司夠方便。步出食廈升降機門,即可看到兩位師傅於開放式廚房內忙碌地切肉。舞台外圍有塊大大嘅「熊本黑毛和牛」牌,相信應為餐店之主打食材。哥哥唔提,細佬都冇留意到個牌前面除咗有牛牛模型之外,其實仲夾入咗黑豬架,結果當然係俾人話豬牛不分啦。。。店子抽氣做得相當唔錯,以木為主嘅裝潢簡單樸素,通爽潔淨,但仍不失日本風味。可能早已訂座,四人被安排入座最舒適闊落嘅卡位。埋位除咗有餐牌睇之外,即有熱茶及熱毛巾,極為窩心。餐桌上已有齊備之餐具、調味及牙籤。每雙筷子下嘅牛牛座當真可愛、趣緻兼貼題。兩頁酒牌中一邊為日本清酒項目。另一邊則為西洋葡萄酒。其他飲品就列咗喺餐牌最後一頁。此外,如食客有意自攜佳釀,750ml或以下會收取$250/樽嘅開瓶費,750ml以上或烈酒會收取$500/樽。應哥哥仔推介開咗枝「天之戶45%純米大吟釀」($880/樽),配上白酒杯飲,甚為高級。食物餐牌合共有五頁之多,首頁為「匠御膳」套餐($1,180/位),除咗燒肉之外會
更多
家中爐頭爆咗,四口子原本喺屋企食嗰幾晚都要臨時出街搵飯食
。心諗大多中菜廳都忙於應付團年飯局,週五晚XO仔就揀咗去試一家網上口碑不俗嘅「Nikushou」,貪佢近公司夠方便
42 瀏覽
2 讚好
0 留言
步出食廈升降機門,即可看到兩位師傅於開放式廚房內忙碌地切肉。
62 瀏覽
1 讚好
0 留言
舞台外圍有塊大大嘅「熊本黑毛和牛」牌,相信應為餐店之主打食材。哥哥唔提,細佬都冇留意到個牌前面除咗有牛牛模型之外,其實仲夾入咗黑豬架,結果當然係俾人話豬牛不分啦
。。。
39 瀏覽
1 讚好
0 留言
店子抽氣做得相當唔錯,以木為主嘅裝潢簡單樸素,通爽潔淨,但仍不失日本風味。
41 瀏覽
1 讚好
0 留言
可能早已訂座,四人被安排入座最舒適闊落嘅卡位
44 瀏覽
1 讚好
0 留言
埋位除咗有餐牌睇之外,即有熱茶及熱毛巾,極為窩心。
34 瀏覽
1 讚好
0 留言
餐桌上已有齊備之餐具、調味及牙籤。
23 瀏覽
1 讚好
0 留言
每雙筷子下嘅牛牛座當真可愛、趣緻兼貼題
36 瀏覽
1 讚好
0 留言
兩頁酒牌中一邊為日本清酒項目。
304 瀏覽
1 讚好
0 留言
另一邊則為西洋葡萄酒。
318 瀏覽
1 讚好
0 留言
其他飲品就列咗喺餐牌最後一頁。此外,如食客有意自攜佳釀,750ml或以下會收取$250/樽嘅開瓶費,750ml以上或烈酒會收取$500/樽。
422 瀏覽
1 讚好
0 留言
應哥哥仔推介開咗枝「天之戶45%純米大吟釀」($880/樽),配上白酒杯飲,甚為高級
天之戶45%純米大吟釀
$880
44 瀏覽
1 讚好
0 留言
食物餐牌合共有五頁之多,首頁為「匠御膳」套餐($1,180/位),除咗燒肉之外會包咗前菜、刺身、海鮮、煮物、甜品等。
526 瀏覽
1 讚好
0 留言
第二頁有四款「和牛燒肉套餐」,價格均每位計,並以所含之和牛款式及件數定價,當中「五品」等於五片、「七品」等於七片。
637 瀏覽
1 讚好
0 留言
其餘三頁全為散點項目,包括有刺身、燒肉、海鮮、小食、飯麵等。
594 瀏覽
2 讚好
0 留言
點好菜,哥哥仔(嘻嘻,之後問先知佢叫「阿庭」)隨即開爐及送上三色調味,並告知所有燒肉將會由佢為四口子燒煮
143 瀏覽
1 讚好
0 留言
三色調味
72 瀏覽
1 讚好
0 留言
日本和牛刺身($118/三片):和牛刺身嘅雲石紋理十分鮮美,建議將薄薄一片先捲入生洋蔥絲,再點上秘製醬油食用。刺身雖則潤澤,連同生洋蔥絲咬落好清爽,但個人只係略嫌和牛韌咗少少同唔係幾夠肉香
,請恕細佬未能推介。
日本和牛刺身
$118
51 瀏覽
1 讚好
0 留言
吉列飛驒牛A5牛柳($419/二人份):落單時哥哥仔推介嘅吉列和牛牛柳喺餐牌上列出每100g售$530,聽到肥肥家族只想一人試一口,佢就話可以預二人份量,結果即$419有79g,啱啱好切成四件。吉列牛柳外層炸得好金黃鬆脆,無奈中間件和牛腍身得黎偏韌,而且淡而無味
,不吃也吧。
吉列飛驒牛A5牛柳
96 瀏覽
1 讚好
0 留言
和牛燒肉套餐之特選和牛七品盛合(包含招牌醬燒西冷;$688/位):由於大家主要都係想黎試燒和牛,對其他海鮮或刺身都唔係咁感興趣,所以就點咗四客特選和牛七品盛合燒肉套餐
。七款和牛分開三輪上,由淡至濃味,及由瘦食到肥,每人每款都有一片。
和牛燒肉套餐之特選和牛七品盛合
$2752
71 瀏覽
1 讚好
0 留言
哥哥仔熟巧地先以肥膏於爐面燒上油層,接著就續一燒煮七款不同部位嘅和牛,邊燒邊講解,友善細心,且極富耐性
肥膏
42 瀏覽
1 讚好
0 留言
51 瀏覽
1 讚好
0 留言
據悉,由於日本不能合法地出口內臟,所以餐廳所提供嘅和牛中只有牛舌一款來自澳洲
。燒肉套餐中第一道「澳洲和牛牛舌」燒就燒得油潤有光澤,可惜牛舌厚身得黎好韌,四人都覺得難以咬開
,調味再好但已失望透。
澳洲和牛牛舌
32 瀏覽
1 讚好
0 留言
第二件為「飛彈牛A5後腿外側位置」,由哥哥仔燒完並捲入生磨山葵海鹽後即可食用。和牛切得夠薄,質感較軟但都係偏咗少少嚡韌,細佬還可以接受,不過大肥爸爸就食到搖哂頭
飛彈牛A5後腿外側位置
29 瀏覽
1 讚好
0 留言
哥哥仔解釋話第三件「飛驒牛A5牛肋間肉」乃和牛肋骨與肋骨間嘅肉,由於較多纖維,故師傅要預先喺肉面剁好多刀,鬆一鬆佢,並加以調味才可以上枱。講真和牛雖被剁鬆過,但其肉質依然韌而難𡁻
,甚為失色。
飛驒牛A5牛肋間肉
20 瀏覽
2 讚好
0 留言
第二碟燒肉拼盤同樣有三款和牛,均為極品霜降牛肉,外觀明顯比頭輪潤澤鮮亮
。第一片係套餐內唯一代表神戶嘅「神戶牛A5三筯」,薄片燒煮後會被捲起,有對比下即覺神戶三筯軟腍柔潤,肉汁豐盛,輕輕點上菠蘿味燒烤汁,即可微微化膩解油,
呀!
神戶牛A5三筯
23 瀏覽
1 讚好
0 留言
跟住就返轉頭食飛驒和牛,背脊位嘅「飛驒牛A5鞍下」同樣咁夠肉汁,質感則更為爽厚,美味可口
飛驒牛A5鞍下
31 瀏覽
1 讚好
0 留言
碟上最後一款「飛驒牛A5座布團」外表粉嫩光滑,快速燒煮過後,薄片入口半溶於舌上,濃甜軟嫩
飛驒牛A5座布團
32 瀏覽
1 讚好
0 留言
燒肉套餐壓軸為最大塊嘅「招牌醬燒西冷配生日本雞蛋黃」,其紅白雲石紋理分明鮮艷,實在吸睛
。哥哥仔燒好西冷薄片即擺放於白飯面,並淋上秘製豉油蛋黃汁
招牌醬燒西冷配生日本雞蛋黃
33 瀏覽
1 讚好
0 留言
燒煮前,其實哥哥仔先問及席上有否食客對黑松露感興趣,因大廚建議此道「招牌醬燒西冷」可以$240加配即刨黑松露片點綴一番。
黑松露
41 瀏覽
1 讚好
0 留言
家中只有XO仔一人獨愛松露香,父母兄長就先食原味版,哥哥仔最後先帶上手套為小肥嘅「黑松露伴招牌醬燒西冷配生日本雞蛋黃」。整個過程拍埋片架,係咪好叻呢
?!
平心而論,「招牌醬燒西冷」鮮潤肥美,滑溜無比,加一口白飯剛好中和和牛中之油份
,唯一美中不足就係新鮮刨出嘅黑松露片雖則脆巧,但卻毫不芬芳,實有畫蛇添足之反效果
黑松露伴招牌醬燒西冷配生日本雞蛋黃
40 瀏覽
1 讚好
0 留言
肥肥家族最愛食日本菜,對日式燒肉更加係越食越愛,今次一試銅鑼灣「Nikushou」皆因睇到不少網評對餐店讚不絕口,以及地點夠就腳。「Nikushou」漢字可寫成「肉匠」;「匠」意味著「巧妙」,或可形容為對某專業有所成就或修行之人。燒肉專門店環境寬廣舒適,抽氣好,服務絕對貼身周到
,至於食物方面就反而比較參差,唔多襯「肉匠」個名囉!以平均每位要花費上四位數字用餐,大家對食物嘅期望自然會提升,當嚐到偏嚡韌之和牛刺身、吉列和牛、及燒和牛時,其專業指數即被大打折扣
,故家人都覺如想享用一頓滿意又豐富嘅日式燒肉的話,要另覓他選也絕非難事。
81 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-01-25
用餐途徑
堂食
人均消費
$1310 (晚餐)
推介美食
三色調味
神戶牛A5三筯
飛驒牛A5鞍下
飛驒牛A5座布團
招牌醬燒西冷配生日本雞蛋黃