好豆製研究所 (已結業)

之前上網見到好多人推薦元朗嘅好豆製研究所，今次經過開呢區就去左試下，果然無令我失望，味道有驚喜，唔想成日飲台式飲品，飲下豆漿都幾好♥️佢哋嘅豆漿味道選擇好多，加埋都有成20幾款，其中比較有創意嘅係牛油果，青瓜，紫薯同埋粟米味，全部都好吸引😍今次我就試左兩款較為大眾化嘅口味- 芋頭同埋黑芝麻。豆漿本身豆味都算香，而且係比較滑嘅，飲落去唔會話有豆渣，但個人認為豆味可以再濃郁啲，如果可以帶少少焦香就會更好。💜芋頭豆乳 ($26)豆漿入面加咗好多自家製芋泥，芋泥味道清甜，而且好滑身。店員提醒我哋要撈勻佢嚟飲，飲落去只係有微微起沙嘅感覺，芋頭味亦都唔算好濃郁，個人都覺得有少少太甜，如果可以減甜健康啲會好啲！🤍黑芝麻豆乳 ($26)我個人比較鍾意黑芝麻味，黑芝麻有炒香，飲落去焦香嘅黑芝麻味好香濃，配上微甜嘅豆漿，飲落好清新，唔會覺得好膩。