盛寅慢煮製麵 (已結業)

最近經過牛頭角既【盛寅慢煮製麵】，見到都好多人外賣，就坐低試下。原來餐廳係日本人同本地人合作開設既，而所有肉類都經慢煮處理，夠曬特別。有拌麵、湯麵同泡飯、小食選擇。而湯底既洋蔥大蒜雞白湯同大地魚蝦米湯都係經老板改良，每日鮮製。自己一個食就食豪D，叫左 安格斯雙拼湯麵，配菠菜麵、番茄南瓜濃湯、蜜桃紅茶：安格斯雙拼包括汆燙封門柳同慢煮牛爽腩。肉質非常軟嫩，牛味突出。菠菜麵雖然無菠菜味，但好少有得選擇。番茄南瓜濃湯非常鮮甜唔會過鹹，想食清爽D可選擇。 黃金炸芝士：流心芝士配洋葱番茄醬，好惹味！ 味付溏心蛋：蛋黃岩岩好，調味鹹鹹甜甜好特別，價錢都非常合理。 整體CP值超級高！而且又好特別，會再幫襯！