古今二 (荃灣千色匯I) (已結業)

同朋友黎到荃灣千色，夜晚想食日本野，二話不說就揀咗古今二。佢主打嘅壽司卷系列一直都係品質保證，睇得又食得！  第一款壽司係火山。點解叫火山呢？係因為牛油果蟹柳卷上面堆咗滿滿嘅蟹肉絲同帶子絲，好似一座山咁，然後侍應一上菜就會係壽司外圍點火，依個時候真係要即刻打卡~ 被火燒咗一陣之後，壽司會暖暖地唔錯，而且一啖會咬到滿滿嘅食材，好滿足。 第二款係超級龍捲風，即係鰻魚海老卷，入面仲包住芝士、青瓜同埋灑上脆片。炸過嘅海老加上其他軟糯嘅食材，令口感升華，而且好中意佢啲飯仲係暖暖嘅。 柚想蝦你，個名一樣係取得好有創意XD，沙律上面放滿咗柚子，酸酸甜甜好開胃，沙律亦都好新鮮。 雜錦天婦羅，有蝦、日本甜紫薯、秋葵，秋葵入面仲鑲咗魚肉，好有驚喜！