放題有日本料理+火鍋+甜品都係$218加一真係超級抵 😱
刺身超新鮮！我地encore左😋 甜蝦好大隻好鮮味，赤貝好爽口，唔點豉油都唔會有雪味，好正😭 呢個質素竟然唔係日式放題店，而係火鍋店 🤣
重點推介：羊肉超好味
牛都還可以啦，但我鐘意羊多啲。佢點餐時可揀大碟/小碟，建議大家揀小碟（如圖），要留肚食好多好多唔同款既野 🤣
壽司又係超正，雖然任食，但廚房唔會整啲大大舊既飯塞飽你，每款都好鮮味，海膽同魚子☺️😍
打邊爐：
重點推介：蠔！蝦！
好新鮮，睇個樣都知有幾肥美！
個芝麻雞翼肉汁超多，一咬落去就流晒出黎，超新鮮！炸蠔炸粉較厚，新鮮蠔好味好多！
天婦羅好味呀！蕃薯茄子都好味，蝦就都係食新鮮打邊爐蝦正啲 😍
甜品超多選擇，尤其係綠茶芭菲，食到停唔到，我媽咪仲食左兩杯🤣
