臻 (已結業)

星期6約左媽咪係西環飲茶，今次去左一間以手工點心做主打既新式茶樓 臻。佢既地理位置超方便，係香港大學站山道B出口隔離。 規模唔算大，但坐滿坐客人，仲會見到點心師傅係度整點心添。睇完個menu，見到佢地寫住茶錢每位HKD 5,免收加一。食物就叫左傻豬叉燒包 (3個，HKD 33)杏香荔茸鴨 (3隻，HKD 38)，一籠相思 (3個，HKD 38)，同埋鳳爪排骨蒸飯配3款點心(松茸素菜餃，金箔墨汁芝士蝦餃，富貴金魚餃，HKD 48)。佢地整出黎既點心真係維肖維妙。簡單既叉燒包整到隻好似豬咁，勁可愛，差點唔捨得食。 荔茸鴨其實就係芋角，味道唔錯，但佢地真係整到成隻鴨仔咁，認真唔容易。至於一籠相思，佢地係酸酸地既puff，賣相就以雀籠內面放隻相思雀。好貼題呀，味道幾特別。至於個蒸飯，味道都幾好，仲有蟲草花添。另外個3個點心都整得好出色。睇得出藝術同中國飲茶文化既cross over，大家得晴閒都黎試下呢間手工點心茶樓啦。收費就可以用現金，信用卡或者8達通都得。