更多
2018-07-27
4738 瀏覽
日式放題食得多, 日式X火鍋任食都食過, 但日泰式放題就第一次食, 呢次初體驗就比左'佢'呢間以日泰式放題嘅餐廳, 任飲任食2小時, 捨棄傳統落單紙, 改以QR Code落單, 環保之餘又減底漏單問題, 一舉兩得!呢度另加$88可升級, 包括任食生蠔 (原殼即開), Blanc 1664 同 Asahi任飲, 一見到生蠔任食, 雙眼不期然發光!生蠔體型唔大隻, 蠔身較為薄身, 食返佢半打絶無難度, 蠔味偏淡, 食多幾隻補返數先!生啤自己拎杯出去斟, 回本之一, 咁熱日子啤一啤, 爽呀!日式放題回本之指定動作, 當然要叫個自定刺身拼盤啦, 款式夠多, 味道收貨喜歡佢嘅帶子唔會太薄身, 軟棉棉又有甜味蝦亦唔細隻, 一啖一隻夠晒過癮壽司精緻, 飯粒調味適中, 試多幾件都唔會"質"飽個肚, 留返D空間食第二D天婦羅叫左茄子, 蟹柳, 紫甜薯及南瓜, 全部熱辣辣上枱, 個炸漿夠晒脆又唔油口, 唯欠缺天婦羅汁伴食燒物有肉類有海鮮, 個人黎講最LIKE呢個燒菠蘿, 真係有燒紋架, 唔係就咁"烚"熟比你, 仲要咬落香甜多汁, 不禁要加單再加單!想食沙律, 推介呢款胡麻醬鮑片沙律, 鮑片口感煙韌, 以胡
呢間以日泰式放題嘅餐廳, 任飲任食2小時, 捨棄傳統落單紙, 改以QR Code落單, 環保之餘又減底漏單問題, 一舉兩得!
呢度另加$88可升級, 包括任食生蠔 (原殼即開), Blanc 1664 同 Asahi任飲, 一見到生蠔任食, 雙眼不期然發光!
生蠔體型唔大隻, 蠔身較為薄身, 食返佢半打絶無難度, 蠔味偏淡, 食多幾隻補返數先!
81 瀏覽
0 讚好
0 留言
生啤自己拎杯出去斟, 回本之一, 咁熱日子啤一啤, 爽呀!
日式放題回本之指定動作, 當然要叫個自定刺身拼盤啦, 款式夠多, 味道收貨
56 瀏覽
0 讚好
0 留言
喜歡佢嘅帶子唔會太薄身, 軟棉棉又有甜味
蝦亦唔細隻, 一啖一隻夠晒過癮
壽司精緻, 飯粒調味適中, 試多幾件都唔會"質"飽個肚, 留返D空間食第二D
29 瀏覽
0 讚好
0 留言
天婦羅叫左茄子, 蟹柳, 紫甜薯及南瓜, 全部熱辣辣上枱, 個炸漿夠晒脆又唔油口, 唯欠缺天婦羅汁伴食
28 瀏覽
0 讚好
0 留言
燒物有肉類有海鮮, 個人黎講最LIKE呢個燒菠蘿, 真係有燒紋架, 唔係就咁"烚"熟比你, 仲要咬落香甜多汁, 不禁要加單再加單!
24 瀏覽
0 讚好
0 留言
想食沙律, 推介呢款胡麻醬鮑片沙律, 鮑片口感煙韌, 以胡麻醬汁撈埋D沙律菜一齊食, 味道唔錯, 係蟹籽沙律外嘅另一之選!
22 瀏覽
0 讚好
0 留言
係時候到泰菜代表出場啦, 先黎一碗冬蔭公湯, 味道酸中帶少少辣, 冬蔭味幾濃, 唯湯內只得香料, 無蝦及草菇之類
24 瀏覽
0 讚好
0 留言
呢碟泰式炒蜆, 炒得夠惹味, 蜆肉食唔到有沙, 肉雖細但有D甜味, 用黎送啤酒, 正呀!
21 瀏覽
0 讚好
0 留言
呢兩碟泰式炒菜, 一碟係飛天通菜及炒雜菜, 味道又係惹味, 食得出有鑊氣, 熱辣辣香噴噴, 拍得住正宗泰國菜館食到嘅水準!
23 瀏覽
0 讚好
0 留言
19 瀏覽
0 讚好
0 留言
食到咁上下, 都要留返少少位比呢度嘅甜品專櫃, 款式多樣化, 細細件又可以試多幾款
30 瀏覽
0 讚好
0 留言
仲有雪條架, 唔食返支又點對得住自己個....................肚呀................哈哈!
張貼
