47
10
1
等級3
32
0
2017-08-27 638 瀏覽
因為公司都係呢頭,所以間唔使都會去Flint食 lunch,覺得都幾好,話哂酒店,唔會太差。見到今次restaurant week有呢間入選,當然要試下,餐單只需398加一,以酒店餐廳黎講,真係超值!落單時發生左少插曲,我當日係2個人去,因為想試下佢餐廳其他嘅dish,所以我一坐低就問左佢地嘅侍應,可唔可以一個人叫restaurant week個menu,一個人叫正常menu,其實我知道好大機會唔得,不過隨口問下,點知佢話OK無問題,可以mix and match叫,share食,仲攞埋個正常menu比我睇,咁我地就開始揀野食。我地叫左一個restaurant week menu,又叫左正常menu嘅幾個菜。點知落完單過左5分鐘左右,有個貌似高級少少嘅侍應走還黎,話我地唔可以咁叫(佢係有禮貌地講嘅),因為我地原先訂枱係through restaurant week website訂,佢地改唔到,而restaurant week會就每個訂位比返回佣餐廳,故一定要叫返restaurant week個menu。其實我覺得無問題嘅,我明有policy,不過我一坐低未落單嘅時候已經問左佢咁叫得唔
更多
因為公司都係呢頭,所以間唔使都會去Flint食 lunch,覺得都幾好,話哂酒店,唔會太差。見到今次restaurant week有呢間入選,當然要試下,餐單只需398加一,以酒店餐廳黎講,真係超值!

落單時發生左少插曲,我當日係2個人去,因為想試下佢餐廳其他嘅dish,所以我一坐低就問左佢地嘅侍應,可唔可以一個人叫restaurant week個menu,一個人叫正常menu,其實我知道好大機會唔得,不過隨口問下,點知佢話OK無問題,可以mix and match叫,share食,仲攞埋個正常menu比我睇,咁我地就開始揀野食。
31 瀏覽
0 讚好
0 留言


我地叫左一個restaurant week menu,又叫左正常menu嘅幾個菜。點知落完單過左5分鐘左右,有個貌似高級少少嘅侍應走還黎,話我地唔可以咁叫(佢係有禮貌地講嘅),因為我地原先訂枱係through restaurant week website訂,佢地改唔到,而restaurant week會就每個訂位比返回佣餐廳,故一定要叫返restaurant week個menu。其實我覺得無問題嘅,我明有policy,不過我一坐低未落單嘅時候已經問左佢咁叫得唔得,佢地話得我先咁叫,如果係唔得,就應該我問嘅時候就答我唔得,唔好初頭話得,後尾話唔得。始終係酒店,我覺得佢地嘅侍應training係咪唔夠,唔太專業。咁我地就改返叫兩個restaurant week menu。

講返正題,頭盤我叫左tuna tartar 同個 salmon。
12 瀏覽
0 讚好
0 留言

Tuna tartar係on side嘅,佢會推架餐車過黎係你面前整,會問你食唔食得辣,再幫你調味。
Tuna tartar嘅tuna腌得好入味,唔錯,不過我覺得on side整個個哥哥仔落麻油嘅時候重手左,麻油味略重,破壞左成個dish。

14 瀏覽
0 讚好
0 留言

另一個頭盤係salmon,賣相唔錯,而且portion都幾大,有成四塊,個汁好惹味,我覺得salmon比 tuna tartar好。

到頭盤,我地叫左帶子同牛扒。
12 瀏覽
0 讚好
0 留言
19 瀏覽
0 讚好
0 留言

帶子煎得非常好,我可以用完美黎形容,而且大大粒,真係好好味!外面香口,入面剛剛熟,旁邊透明黃色嘅係lemon source,同個帶子好夾,呢個我差唔多會比滿分!

16 瀏覽
0 讚好
0 留言

US RIBEYE都唔錯,煎得好香,入面帶粉紅色嘅肉體現到廚司嘅手勢,同我地要求嘅生熟度一致,而且牛味香濃👍🏻

甜品,紅莓tart同抹茶蛋糕
11 瀏覽
0 讚好
0 留言
13 瀏覽
0 讚好
0 留言
10 瀏覽
0 讚好
0 留言

甜品就正常,無乜特別,酒店自助餐甜品水準咁上下,可能正常menu嘅話會好d!

整體:以restaurant week $398加一價食到呢個質素同環境,算係非常抵食,令到我有想試佢正常menu嘅衝動,如果係restaurant week黎講,我都會推薦大家試呢間!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-08-21
用餐途徑
堂食
人均消費
$440 (晚餐)
推介美食
  • Seared  Scallops