KiKi麵店 (K11 Musea)

營業中

休息中

久仰左kiki拌麵既大名好耐，去台灣嘅時候都買過黎食，不過門店就未食過啦。Kiki擔擔麵同我地平時食到嘅擔擔麵有少少唔同，係冇湯嘅乾撈版，所以花生同麻醬既味道會更加香濃突出，麵質爽滑彈牙，肉碎帶少少辣味。蒼蠅頭拌麵呢個係其中一款招牌麵，麵條上鋪上大量嘅韭菜、豆豉同肉碎，韮菜既香氣令味道更加惹味清新，令人想一啖接一啖咁食晒。Kiki麻辣醬如果鍾意食辣嘅朋友，我推薦呢個麻辣醬加落啲麵到，味道非常之香，辣得過癮。脆皮大雞排台灣菜少不免有炸雞排，炸得熱辣辣香脆可口。滷牛腱牛腱滷得幾入味，而且口感帶點膠質，比炸雞排更有驚喜。黃金雪絨白桃烏龍呢款係新出嘅飲品，上層係黃金番薯奶蓋，加上招牌白桃烏龍茶，味道幾特別。芝士海鹽雪絨迷你芋圓kiki烤茶上層係芝士奶蓋有少少鹹味，芋圓煙韌彈牙，烤茶既味道香濃帶點烘焙過既茶香。伯爵戚風蛋糕配黑糖珍珠食完主食仲有甜品，一放低已經覺得賣相好吸引，戚風蛋糕口感帶點彈性，加埋伯爵茶忌廉一齊食好好味。仙草珍珠仙草口感滑溜，味道帶甘，加埋彈牙既珍珠同黑糖漿，有唔同既口感。