影片
更多
2012-05-08
942 瀏覽
日式牛肉放題火鍋在香港都搞左一兩年，開到周街都係，我這個邊爐怪終於有緣一試﹗地點在紅磡黃埔的牛涮鍋，任食牛肉的價錢由$125位至$600都有，睇你揀咩牛肉而定﹗初來報到始終有戒心，梗係由平開始試起，要了$145一位任食的特選牛肉﹗這些放題主打是牛肉之外，其他火鍋配料是任食的，自助在店內中間的長枱位置任取，眼見都有好幾十種生料選擇﹗火鍋我倆最重要是牛肉，很怕坊間任何酒樓的任食場，牛肉八分肥兩分瘦，成條煙肉咁，見到就唔開胃﹗可幸這個特選牛肉牛味不俗，不會過肥亦算軟熟，同手切肥牛當然無得比，但百幾蚊任食都挺不錯﹗湯底好幾種任揀，任何清湯、豆乳及泡菜等，我們點了昆布湯，清清地灼牛肉很不錯呢﹗想說來這兒唔好只係吃牛肉，其自助的生料不少也好吃﹗要推介這兒的豆腐，豆味濃極香滑，不是百福出品，好吃﹗我亦愛吃大蔥及粟米，灑一堆在湯中慢慢吃，好味﹗另外食家吃過蕎麥麵，麥味既香且濃，試少少一箸無坊呢﹗飲品方面，加$15就可以任飲Asahi生啤﹗我地兩個點會唔加﹗最後兩個人在90分鐘隊左8杯，都算有交待了﹗牛肉點完一碟再叫待應哥哥俾多碟，講真一碟份量極大，最後我吃了兩碟，食家一碟合共3碟已經投降﹗加$15任飲
地點在紅磡黃埔的牛涮鍋，任食牛肉的價錢由$125位至$600都有，睇你揀咩牛肉而定﹗
初來報到始終有戒心，梗係由平開始試起，要了$145一位任食的特選牛肉﹗這些放題主打是牛肉之外，其他火鍋配料是任食的，自助在店內中間的長枱位置任取，眼見都有好幾十種生料選擇﹗
火鍋我倆最重要是牛肉，很怕坊間任何酒樓的任食場，牛肉八分肥兩分瘦，成條煙肉咁，見到就唔開胃﹗
可幸這個特選牛肉牛味不俗，不會過肥亦算軟熟，同手切肥牛當然無得比，但百幾蚊任食都挺不錯﹗
湯底好幾種任揀，任何清湯、豆乳及泡菜等，我們點了昆布湯，清清地灼牛肉很不錯呢﹗想說來這兒唔好只係吃牛肉，其自助的生料不少也好吃﹗要推介這兒的豆腐，豆味濃極香滑，不是百福出品，好吃﹗
我亦愛吃大蔥及粟米，灑一堆在湯中慢慢吃，好味﹗
另外食家吃過蕎麥麵，麥味既香且濃，試少少一箸無坊呢﹗
飲品方面，加$15就可以任飲Asahi生啤﹗我地兩個點會唔加﹗最後兩個人在90分鐘隊左8杯，都算有交待了﹗
牛肉點完一碟再叫待應哥哥俾多碟，講真一碟份量極大，最後我吃了兩碟，食家一碟合共3碟已經投降﹗
加$15任飲生啤之外仲可以任食軟雪糕，這個雲呢拿味道不錯呢﹗同富豪雪糕有得Fight，又係自已揸自己拉，係幾多隨你﹗飽都整番杯先走吧﹗加一埋單$180位左右，抵食﹗
如兩個人想打邊爐，坊間火鍋店只可叫三兩碟已見飽，如想多吃不同食材，來這種放題火鍋其實準不錯﹗多選擇，牛肉亦挺好﹗會再來的﹗
張貼
