Honbo (已結業)

其實聽咗呢間漢堡嘅大名好耐，不過一直都冇機會去試，而最近又唔知挑起邊條癮想食一啲比較好食嘅漢堡，於是就同女友去咗南豐紗廠嗰度試呢間傳說中嘅漢堡啦我地係星期日晏晝去嘅，去到嘅時候我哋唔使點等位就已經可以坐低，之後點菜嘅過程都好快，係等咗大概五至10分鐘就有得食啦我哋嗌咗一個招牌漢堡(1.5倍)，仲有一個兩倍嘅招牌漢堡，配菜我哋分別就揀咗薯寶同埋薯條。漢堡方面，果然冇令人失望！我覺得佢個包焗到鬆軟，再加埋漢堡扒煎得極之香口，油脂四溢，而且唔會過林過韌，肉汁非常豐富但係又有啲咬口，再配埋佢嘅芝士簡直冇得輸而且我鍾意佢個size唔會太大，我覺得普通女仔其實一啖都勉強咬到曬成個包，就唔使分開一層一層咁食咁狼狽配菜方面，我覺得個份量就比較大，味道就正正常常啦。所以如果女仔嘅話，可以同朋友一齊share一個小食。總括嚟講呢間漢堡我都會比幾高嘅評價，雖然價錢就比較昂貴，但係味道的確出色，值得一試