湯煲私房火鍋 (已結業)

🐽打邊爐既私房菜真係第一次食😗地方唔大所以得幾枱~。👅清香椰子雞煲 ($288)店員最推薦椰子雞湯🥥落左好多椰子水，飲到椰子既清甜味，但整體黎講無想像中咁濃郁，而且個湯偏油😶有唔少雞肉，但雞肉肉質有啲嚡口，係好在唔會好乾👌🏻無乜雞既肉味，係索左啲湯汁好少少🧐呢到既即炸響鈴 ($88)既建議食法係就咁即食唔洗淥落湯到😛一咬陣熱氣湧出黎，口感係一粒粒咁散開好香脆酥化，完全無油膩感👍🏻點埋個甜酸醬食幾夾! 即刻諗起酒樓食炸雲吞既感覺🤣我試左淥一淥落湯再食就感覺無咁熱氣😌爽滑牛脷片 ($168)唔會好韌，幾有口感，淥一淥就食得🤪日本白金豚腩肉 ($138/例牌)比較少見，脂肪既比例多過肉😬肥膏位口感幾Q彈!味噌大根黑豚餃 ($88)幾有驚喜😆餃子皮好軟好薄，一咬係食到白羅白既香甜味同爽脆感😋加上肉餡好juicy，成個味道更加甜! 川色麻辣牛肉餃 (+$20雙拼)陣麻辣味好突出，偏向重味，但辣度係岩岩好既😃都幾特別!竹生帶子丸 ($148) 有紅蘿蔔粒既甜味同帶子粒既鮮味😙自家製蝦丸 (+$20雙拼)有幾足料既蝦肉，雖然無乜鮮甜味但口感彈牙🤓