影片
更多
2021-12-23
418 瀏覽
生日飯梗係要試吓特別野！見佢係希臘菜就試吓呢間先～Hummus-鷹嘴豆泥$58睇佢咁細個碟，估唔到佢份量咁多✨好食係好食嘅，男朋友話簡單尼講佢係有酸味嘅蒜泥😂但係作為前菜值得叫嘅，我哋食嗰陣超級滿足～食淨都打包返去！Warm pita-麥包$32食Hummus就一定要跟pita！佢個包偏鬆軟，麥香同埋鷹嘴豆泥啲橄欖油夾埋一齊食真係好正🥺Tirokrocketes-炸羊奶芝士波波$138有成五粒🤤兩個人食會好飽肚！我本身唔係好食得全部同羊有關嘅嘢，嗰個芝士波波入邊係有少少羊味，但撈埋啲蜜糖嚟食嘅話就好好食！不過有一粒兩粒未炸透，同埋都可能係因為佢特登想放涼，唔好太熱辣親個口，所以有少少瑕疵啦🤏🏻(男朋友食嗰幾粒冇乜問題，佢話好完美）Prawns Saganaki-鐵板蝦$168最華麗菜式沒有之一！佢會到啲酒上去個鐵板度，啲火燒起嚟高過個米八哥哥⛄️佢啲料都幾足，啲辣椒一定浸晒汁好好食，但我哋唔食得咁辣，好可惜😭啲蝦好好味，蝦膏同啲酒夾埋好甜好正。可惜剩係得兩隻，不過明白擺多啲個盤唔會靚。（同埋幾乎台台都叫，嗰陣香味傳到過嚟一定會後悔冇叫😂）Chicken soulvaki-燒雞$128有洋
Hummus-鷹嘴豆泥$58
睇佢咁細個碟，估唔到佢份量咁多✨好食係好食嘅，男朋友話簡單尼講佢係有酸味嘅蒜泥😂但係作為前菜值得叫嘅，我哋食嗰陣超級滿足～食淨都打包返去！
Warm pita-麥包$32
食Hummus就一定要跟pita！佢個包偏鬆軟，麥香同埋鷹嘴豆泥啲橄欖油夾埋一齊食真係好正🥺
19 瀏覽
0 讚好
0 留言
Tirokrocketes-炸羊奶芝士波波$138
有成五粒🤤兩個人食會好飽肚！我本身唔係好食得全部同羊有關嘅嘢，嗰個芝士波波入邊係有少少羊味，但撈埋啲蜜糖嚟食嘅話就好好食！不過有一粒兩粒未炸透，同埋都可能係因為佢特登想放涼，唔好太熱辣親個口，所以有少少瑕疵啦🤏🏻
(男朋友食嗰幾粒冇乜問題，佢話好完美）
53 瀏覽
0 讚好
0 留言
Prawns Saganaki-鐵板蝦$168
最華麗菜式沒有之一！佢會到啲酒上去個鐵板度，啲火燒起嚟高過個米八哥哥⛄️佢啲料都幾足，啲辣椒一定浸晒汁好好食，但我哋唔食得咁辣，好可惜😭啲蝦好好味，蝦膏同啲酒夾埋好甜好正。可惜剩係得兩隻，不過明白擺多啲個盤唔會靚。
（同埋幾乎台台都叫，嗰陣香味傳到過嚟一定會後悔冇叫😂）
32 瀏覽
0 讚好
0 留言
Chicken soulvaki-燒雞$128
有洋蔥、蕃茄等配住食，幾好嘅，不過相對普通，抵讚係佢會整曬啲肉出嚟，方便啲食。
24 瀏覽
0 讚好
0 留言
侍應好friendly，會問吓我哋啲嘢啱唔啱食，又會傾吓計✨不過落漏咗一個沙律，但我哋最尾都太飽根本食唔落（所以好彩冇落姐😂）同埋落單，每一次上菜都會介紹菜式，唔係好明個餐單寫咩都冇問題！
餐廳裝修好靚，偏暗暖色氛圍，客人有講有笑，好有小餐館個種溫馨嘅感覺。
不過我哋聽唔到有tap water 就叫左 still water，埋單先知俾咗$75買支高級水😂
成餐都係滿意嘅，只係我哋走嗰陣太多人入嚟，侍應唔得閒同我哋道別😢（想say bye bye！）
同埋佢都有好多酒飲，同朋友/另一半/屋企人聚下都係一個幾好嘅選擇～
然後hummus我哋食唔晒打包返去，個盒都好得意
張貼
