嗦爸螺螄粉

和朋友來到元朗雞地鳳琴街搵食，佢想食螺螄粉，咁剛剛新開一間叫嗦爸螺螄粉！咁就入去坐下，店舖唔大，約二十幾個位，餐牌都只係得一頁，但係老闆好好傾，仲介紹咗我哋食餐牌上面冇嘅炸豬手同埋串燒，咁我哋就選咗嗦爸全家福螺螄粉和螺螄粉自選配料，飲品就選豆漿和二鍋頭汽水！全家福螺螄粉好快就嚟到！因為選咗bb辣所以首先就試下原味啲湯，湯味好濃好鮮甜，筍蝦亦都好爽脆，樣樣配料都有一啲！食落亦都好滋味，當然最特別都係隻炸蛋啦，同碗麵一樣咁大！索滿湯嘅時候真係超好食；自選我哋就揀咗魚腐，都係用嚟索湯食，而胸爽油就真係好爽脆好特別；豆漿都算容易濃郁，二鍋頭汽水真係好特別，完全有飲中國白酒嘅風味，好香嘅米酒味！而最好食都係嗰隻炸豬手，好有膠質好脆口，墊底嘅炸腐竹片真係好似薯條咁樣脆卜卜，至於串燒雞皮，雞軟骨同埋排骨，各有各嘅好味要來送啤酒就真係一流啦！

嗦爸全家福螺螄粉

嗦爸全家福螺螄粉

炸豬手

自選配料螺螄粉

串燒

胸爽油

蘋果醋配炸豬手

二鍋頭汽水

豆漿