大樹燒烤 (已結業)

今日同朋友去咗尖沙咀厚福街大樹燒烤食串燒，非常惹味，推薦給大家！餐廳位於厚福街8號H 8 的12樓，距離B2地鐵站，只是4分鐘路程，非常方便！串燒食物款式十分之多，有肉類、丸類、海鮮類、素類，仲有鍋鍋燒！我們二人叫了以下食物：即開即燒大生蠔🦪🌟🌟🌟🌟🌟～呢個燒蠔滿分，超好味！蠔又大又飽滿，配埋蒜蓉牛油燒，人間美食，我連蠔汁都舔埋大扇貝🌟🌟🌟🌟🌟～一樣係蒜蓉牛油配味，鮮味無比，最重要係新鮮、熱辣辣燒出來，食到唔停得口！大樹燒活蝦🦐🌟🌟🌟🌟🌟～蝦算大隻，一份有三隻，而且燒到剛剛好，鎖到肉汁，不會乾，好味！鮮烤白鱔🌟🌟🌟🌟🌟～一串有兩件，鱔肉燒到外脆內軟，外皮微焦香，火候控制得十分之好！新鮮魷魚鬚🌟🌟🌟🌟～一份3串，魷魚爽口彈牙，每人三串都太少，要encore ，因為太好味了！金菇肥牛卷🌟🌟🌟🌟～鎖到肥牛肉汁，牛味濃大大大茄子🍆～呢個茄子真係好大份，配上好多蒜蓉辣椒絲，未上枱已經香氣撲鼻，而且茄子燒到一絲一絲，連皮都燒到少少焦脆，太美味了！爆漿芝士丸🌟🌟🌟🌟燒韭菜🌟🌟🌟🌟燒冬菇🌟🌟🌟秘製燒豬頸肉🌟🌟🌟🌟燒雞中亦🌟🌟🌟🌟手打鴨屎香茶🌟🌟🌟🌟芒果冰🌟🌟🌟🌟🌟整體餐廳乾淨企理，海鮮食物是非常新鮮的