牡蠣不如帰

營業中

休息中

響銅鑼灣新開左東京米之蓮星級餐廳金色不如歸香港嘅姊妹店。比IFC金色不如歸似乎更有特色，除咗佢哋招牌拉麵外，呢度其中一個主題係牡蠣，即係𧐢。晚飯時間經常大排長龍，今日星期五晚七點前到達有時竟然有位。呢度食嘅𧐢都係煮熟嘅，第一道似係壽司形式嘅，用味付紫菜包住壽司飯同漬左既𧐢，𧐢嘅香味好濃烈，鮮味留在口內久久不散。牡蠣野菜天婦羅有兩隻𧐢同3塊野菜。除咗𧐢之外，其中一件野菜係明太子釀秋葵，感覺好驚喜。雖然未比未必比得上高級既天婦羅專門店，但一啲都唔失色。呢未沾左醬汁嘅𧐢串燒，可能因為我哋冇飲酒，感覺就鹹咗一啲。吉列芝士一口豚都非常唔錯，不過冇比較冇傷害，相對來講附近申子居酒屋嘅吉列芝士豚就實在出色太多。牛舌丼細細個，適合唔係食太多飯嘅OL。滿滿嘅蛋汁令人好開心，白松露油亦都冇蓋過牛舌嘅香味，不過我就覺得牛舌太韌，唔係太咬得開。華味鳥都好食，雞肉鬆軟有香味豚肉餃子就普普通通不過不失反而佢嘅招牌拉麵，慢煮叉燒同湯底都唔錯，但就覺得冇乜特別，可以專注吃牡蠣🦪菜式。座位唔算好舒服，但食物質素唔錯，如果唔使排隊，整體來講係令人滿意嘅一餐。